Smartness…

Smartness lies in the knowledge and acceptance of your flaws… and not in the flawlessness…!

Advertisements

Jeena Sikha De…

Bin mohabbat zindagi ne bohot jeetaya

Ab bass koi mohabbat mein haraa de…
Dil ko patthar banaya toh zindagi ne bohot hasaya

Ab bass koi iss dil ko pighla kar hume rula de…
Taraashne ki raah mein khudko kho diya hai humne

Ab bass koi talaash kar hume khudse milaa de…
Dil ki chot chhupane deewar banayi thi vo humne

Ab bass koi is deewar ko tod hume dawaa de…
Chhupkar, rokar, markar-sirf saanse bohot bharli,

Ab bass koi aaye aur hume JEENA SIKHA DE…..

Aaj Aasmaan Dekha

Aaj chhat se aasmaan dekha toh,

Aaj fursat se aasmaan dekha toh,

Ek hi chiz jaani si lagi,

Sirf ek hi chiz pehchani si lagi

Vo tha CHAAND….
Chaad sabhi ne dekha hai

Bohoton ne likha

Kahiyon ne suna hai

Par aaj chaand kuchh alag sa laga,

Aaj ki chaandni me kuchh khanak sa laga…
Aaj chhat se aasmaan dekha toh,

Aaj fursat se aasmaan dekha toh,

Na khula aasmaan dikha

Na khuli zameen dikhi…

Chaand, chaandni, badal sitaro se zyada

Machine, cement, loha aur imaraton ko dekha…
Phir nazar padi chaand pe toh socha,

Sirf yahi toh tha,

Sirf yahi toh rahega,

Hamesha…
Unchi imaraton pe rehkar,

Yun toh chaand se nazdik ho gaye hai,

Par chaand ko dekhna bhul gaye hai,

Chaandni me nahana bhul gaye hai…
Iraado ke baadalo pe toh paav rakh diya hai,

Par baarisho me nachana bhul gaye hai…
Aaj chhat se aasmaan dekha,

Aaj fursat se mene aasmaan dekha….!!!